Þytur í laufi...er ég gekk niður sjúkrahústúnið þar sem við drengirnir vorum vanir að leika okkur þegar við vorum ögn yngri. Allt virðist vera breytt, áður ókláruð hús eru orðin að heilsteyptum byggingum og allstaðar rísa upp einhverskonar mannvirki. Ég hugsaði hvort ég væri virkilega orðinn svona gamall, hvert fóru öll dásamlegu æskuárin, fuku þau út í veður og vind með laufunum sem virtust vera byrjuð að falla af trjánum umhverfis læknabústaðinn sem enn voru þó á sínum stað. Voru þau virkilega liðin, árin sem engar áhyggjur voru til staðar, nema kannski óttinn við býflugurnar sem bjuggu í álfahúsunum sem nú voru horfin á braut. Hvar er sá tími sem maður hjólaði hyggjulaus á BMX hjólinu sínu niður brekkurnar og þurfti ekki neitt annað en hjálm og tvo dekk......hvenær hvarf hann á braut.

Nú þarf maður að horfa í allar áttir, hafa augun hjá sér og fleiri orðatiltæki sem hafa litið dagsins ljóss í nútímanum. Ekki dugir lengur að eiga hjól, heldur þarf maður líka lás á hjólið. Ekki er þetta það sem við vildum, en samt keppa allir einhvernveginn við sjálfan sig í þessarri þróun, í von um að hafa það betra en náuginn í næsta húsi. Mennirnir eiga ekki afturkvæmt í þá veröld sem var, það er engin undankomuleið og enn og aftur kemur kenning Darwins uppá yfirborðið, þó hún hafi verið sett fram löngu áður en heimur nútímans reið sér völl.

ArnarInn kveður í hugleiðingum

Ég er ekki alveg dauður úr öllum æðum, þ.e.a.s. í bloggheiminum. En allavegana get ég skýlt mér bak við það að nú er sumar og þá er oftar en ekki mikið að gera. Frá síðasta bloggi sem var snemma á seinustu öld (nánast) hefur mikið á daga mína drifið. Til þess að stikla á stóru set ég nokkra góða punkta hérna á eftir þessum tvípunkti:

• Fórum í úrslitakeppnina í drengjaflokki....töpuðum í undanúrslitum fyrir KR í bragðdaufum leik. léleg hittni fór með leikinn.
• Héldum okkur uppí í Iceland express deildinni í körfu. Nálægt því að komast í úrslitakeppnina en markmiði seasonsins náð.
  
• Kláraði prófin í FNV.
• Útskrifaðist með stúdentspróf úr FNV.
• Hélt útskriftaveislu samhliða afmælisveislu mömmu sem varð 40 ára....geggjað stuð!
  
• Sumarið komið
  
• Byrjaði í fótboltanum....
• Byrjaði að vinna á hinum eina sanna Sauðárkróksvelli.
• Fékk inngöngu í Háskólann í Rvk.
  
• Fór til Portúgals.
• Er að vinna eins og maniac....
• Kljást við bakmeiðsli í fótboltanum...
• Er að leita af íbúð í rvk og lífsförunaut (bíl)
  

Þetta er svona það helsta...er pottþétt að gleyma einhverju.... En ég flyt semsagt í Sódómu Gomorru í haust...lok ágúst nánar tiltekið... Það verður skrítið, en bara gaman held ég og smá challenge fyrir mann. Maður stefnir auðvitað á toppinn, ætla reyna spila basket í borginni og sýna þessum borgarbörnum hvernig strákarnir í sveitinni "skjóta þriggjastigaskotum afturfyrirsigfrámiðju" ofaní. Hvaða lið...? Ég held auðvitað með Newcastle og ætli maður reyni ekki að finna lið sem spilar í svipuðum búningum...annars er aldrei að vita.

Annars ætla ég að byrja blogga af krafti fyrir sunnan....vætanlega á nýrri síðu...þessi er að verða barn síns tíma.... nýir tímar kalla á nýja síðu....

Arnarinn kveður í bili

Já Já Já! Einn tveir Selfoss! reymið skóna! partýskóna!!!...partý í kvöld

 Ég er mættur með blogg í húsinu, aðallega vegna þess hversu sáttur ég er í augnablikinu..Pumpaðu upp!

Við í drengjaflokk vorum að spila við KR-inga fyrir nokkrum tímum, það var hörkuleikur sem byrjaði mjög vel, hittnin var góð í byrjun og komust við í 24-14. Það má segja góð byrjun hafi lagt grunninn að þessum sigri. Þrátt fyrir að KR-ingar hefðu sinn fulltrúa í dómgæslunni, sem er held ég alveg röndóttur í gegn og blóðið í honum svart/hvítt þá hömsuðum við þessar pulsur samt sem áður. Búbbi náði að hamra eina pulsuna í andlitið, líkt og kjöthamar, Ingvi var með sinn besta leik í vetur að mér fannst og dró vagninn þegar á reyndi, Halli náði að henda boltanum framan í pabba sinn og reyndar líka negla nokkrum stórum þristum framan í KR-ingana. Sjálfum fannst mér ég ekki vera spila vel, eða hefði allavegana getað gert mun betur. En sigurinn var sætur, og hey það er pulsur í matinn hjá mér í kvöld, tilviljun?

Lokatölur 74-70

Stig: Ingvi 22, Arnar 20, Halli 13 (16 reb) , Hreinsi (var með slatta 10+) aðrir minna.

Svo get ég nú ekki sleppt því að fagna þegar Newcastle vinnur, það gerist ekki svo oft, þeir komnir í 9 sætið eftir að hafa tekið Liverpool í kennslustund...Bellamy fávitinn mættur á St.James's Park, hélt að Shearer hefði varað hann við að láta ekki sjá sig, en sigurinn var sætur!

Svona að lokum, það er ótrúlegt hvað þessir KR-ingar eru merkilegir með sig, en eins og Love Guru segir þá er merkilegra að vera góður, og það er það sem Drengjaflokkur Tindastóls er!!!!

 ArnarInn - KR pulsur!

Jæja. Er ekki kominn tími á blogg. Smá svona gáta og einn léttur brandari í skammdeginu sem er reyndar að hverfa í öllu jóladraslinu sem siggi stormur ætlar að feykja burt á laugardagskvöldið.

Gömul gáta, veistu svarið?

 "I am the beginning of the end. You can see me twice in a week, but not in a day. Once in a year but twice in a decade. Who am I??"

Sjaið hvort þið vitið svarið


Svo einn góður hér:

Kínverjinn: ég ekki koma í vinnu, ég veikur.
Yfirmaðurinn: þegar ég er veikur ríð ég konunni minni og þá lagast ég, reyndu það.
Eftir 2 tíma hringir kínverjinn, "þetta virka, ég koma. Þú eiga flott hús!!"

Það er einn leikmaður sem ég mun aldrei gleyma svo lengi sem ég lifi. Það er goðsögnin Alan Shearer. Þessi einstaki leikmaður hefur svo sannalega átt glæstan feril. Um leið og ég sá hann vissi ég að þetta var maðurinn sem ég dýrkaði!

Ætla láta inn hér link á video sem var gert í minningu 10áranna sem hann spilaði fyrir Newcastle. Þessi magnaði leikmaður skoraði á sínum ferli yfir 300 mörk í ensku úrvalsdeildinni sem er töluvert meira en nokkur annar leikmaður hefur nokkurn tíman gert. Þar af skoraði hann 201 fyrir Newcastle.

En hérna kemur video-ið, njótið vel:

http://www.youtube.com/watch?v=ZOOsJK25bR8&mode=related&search=

Ps. Ef þið hafið eitthvað neikvætt að segja um Kónginn, þá eruð þið ekki með fulla fimm, sleppið því þá bara og farið á aðrar síður! Takk fyrir.

Ég hef áður viðrað þá skoðun mína að Marlon Harewood er líklega mest ógnvekjandi leikmaður ensku úrvalsdeildarinnar. Hann er með afar ófrýnilegt andlit og skornari en andskotinn. Þetta er líklega sá maður í ensku úrvalsdeildinni sem ég myndi hvað síst vilja hitta í dimmu húsasundi.

Marlon ákvað um helgina að sannreyna það fyrir mér að ég væri voða lítið að fara að ögra honum eitthvað ef ég skildi rekast á hann einhvern tímann.

Marlon lenti nefnilega í samstuði við Shay Given um helgina. Samstuðið var ekkert alvarlegra en gengur og gerist og héldu menn að Shay myndi standa upp eftir aðhlynningu. En svo var ekki og Steve Harper einn af eilífðarvaramarkmönnum ensku úrvalsdeildarinnar fékk langþráð tækifæri, sem hann reyndar klúðraði BigTime í gær, guð minn góður.

Svo berast fregnir af því fyrir skömmu að Shay þurfi að undirgangast aðgeða á maga. Læknir Shay sagði að þessi aðgðerð væri gerð til að stöðva leka sem á sér stað í maga Shay. Hann sagði einnig að þess háttar meiðsli þekktust helst hjá fórnarlömbum bílslysa. Högg Marlon líktist sem sagt höggi sem maður fær þegar hann lendir í bílslysi.

Það er því alveg ljóst að Marlon Harewood er að mínu mati mest ógnvekjandi leikmaður ensku úrvalsdeildarinnar. Hann er sá leikmaður sem ég myndi aldrei vilja dekka, ekki hitta í dimmu húsasundi og myndi aldrei ögra ef ég hitti hann í bænum.

Með batakveðjum til Shay Given,

ArnarInn

Fimmtudaginn 7. sept hélt ég á fjöll að leita af kindum.

Hérna eru myndir sem ég tók af því!

http://public.fotki.com/arnarinn/

Arnar kveður, sjálfstæðari en nokkru sinni áður!

Undarlegt atvik átti sér stað í belgíska fótboltanum. Þannig var mál með vexti að lið A var í sókn. Varnamaður liðs B meiðist og fellur til jarðar við vítateiginn á eigin vallarhelming. Lið B brunar í sókn en tapar boltanum á hinum vallarhelmingnum. Sóknarmaður A ákveður að nýta sér tækifærið og bíður við hlið varnarmannsins á meðan allir aðrir leikmenn úr báðum liðum hlaupa yfir á hinn vallarhelminginn. Varnarmenn A senda því því næst langan bolta inn á vallarhelming B þar sem sóknarmaður A fær boltann, nýtir sér meiðsli varnarmannsins og skorar mark. Meiddi varnarmaðurinn spilaði sem sagt sóknarmanninn réttstæðan (þ.e.a.s. tók Gary Neville á þetta). Línuvörðurinn sá ekkert athugavert við þetta og hélt flagginu niðri. En aftur á móti sá dómari leiksins ástæðu til þess að flauta á þetta og dæmdi markið ógilt og það vegna rangstæðu.

Er dómarinn var beðinn um að útskýra ákvörðun sína sagði hann að meiddi varnarmaðurinn hefði ekki haft áhrif á leikinn. Menn þekkja það þegar leikmenn sóknarliðsins eru ekki dæmdir rangstæðir er félagar þeirra komast í færi vegna þess að þeir hafa ekki áhrif á leikinn. Þetta er að mér vitandi í fyrsta skipti sem varnarmaður er sagður ekki hafa áhrif á leikinn.

Það er ansi margt til í þessu hjá dómaranum og þess má geta að varnarmaðurinn var augljóslega mikið meiddur og gat ekki spilað meira í leiknum. Þarna er spurning hvort þetta sér réttlætanlegt og það voru margir sem studdu þessa ákvörðun Belgíska dómarans. Ég er ekki að segja að ég sé sammála þessu, þar sem dómarinn hefði auðvitað átt að stoppa leikinn. En hann benti á það á móti að sóknarmaðurinn hefði ekki spilað í anda knattspyrnulaganna og brotið reglur um að virða mótherjann.

Þess má geta að Belgíska knattspyrnusambandið setti dómarann í bann.

Langaði að deila þessu með ykkur, eruð þið sammála dómaranum?

Jiss þið sáuð rétt og lásuð vonandi líka, ekki nema þið kunnið ekki að lesa eða stamið, nýtt blogg, ég veit að ég er brjálaður að blogga svona oft, en ég virðist einhvernveginn ekki hafa neitt annað að gera. (Þessi setning myndi kallast háð, samkvæmt íslensku 503, þeim unaðslega áfanga). En já skólinn er byrjaður og fyrsta vikan var samkvæmt venju busavikan, ég ákvað að fylgjast með þessu öllu bara úr fjarlægð þar sem ég er frekar rólegt dýr að eðlisfari, enda var nóg af fólki um að pína þessa verslings nýnema sem er alltof mikið af í skólanum verð ég að segja. Það liggur við að það sé ekki pláss á göngunum fyrir múg og margmenni. Samt sem áður var Sara svo góð að gefa mér bol sem stóð Böðull 2006 á, takk Sara.
Svo var að sjálfsögðu busaball um kveldið, og skemmti ég mér bara óvenjuvel verð ég að segja, var ekkert alltof spenntur en þetta var bara gaman. Ætla láta mynd fylgja sem pálmi þór tók, hún lýsir nokkuð vel hversu gaman mér fannst.

Fór svo á Sunnudeginum í sveitina sem var best, alltaf gott að anda að sér sveitaloftinu. Var að fara með gánahestana, því það eru göngur á fimmtudaginn, en fyrir þá sem vita ekki hvað göngur eða leitir eru, þá er það þegar "bændur" gángamenn halda uppá fjöll til að sækja sauðfé sitt og stóð og koma því til réttar. og fyrir þá sem vita ekki hvað réttir eru, þá er það þegar öll hrossin og sauðféið er komið saman niður í byggð inní svona stóran steyptan hring, þar er hver bóndi með ákveðinn dilk (hólf) með númeri á, svo eru svona númer á eyrunum á kindunum og fólkið keppist um að koma kindunum til rétts bónda. Þá er það á hreinu. Ég mun halda uppá fjöll um 7 leitið á fimmtudagsmorgninum og koma aftur niður í byggð seint á föstudagskveldi, vonandi hress og kátur, stútfullur af íslensku fjallalofti. Svona fyrir ykkur sem ekki hafa farið á fjöll þá er þetta mjög sérstök tilfinning, það fara allir saman upp á hestum, uppí skála, þar er steiktur nýveiddur silungur og soðnar karftöflur sem er æði að borða, síðan er kvöldvaka og voða gaman. Daginn eftir er svo haldið eldsnemma af stað ef ekki er einhver þoka að stríða okkur, menn raða sér í línu yfir heiðina og ganga alla leið niður, þannig að rétt sést milli manna. Það getur verið scary að vera svona lengi einn með sjálfum sér, sérstaklega þegar skyggnið er lélegt, en þá reynir á að vera með fjörugt ímyndunarafl og hafa gaman af sjálfum sér.

Þetta mun var Bjartur í sumarhúsum í sínum 30. réttum

En já vonandi hefur þetta gefið ykkur innsýn í sveitalífið, þessa skemmtilegustu helgi bóndans. Þannig að ef þið farið að sakna mín, þá er ég uppá fjöllum, kem svo með fullt af myndum af þessu öllu saman eftir helgina.

Arnar Gángnamaður kveður

 Hérna eru tíu góð ráð um hvernig á að sýnast upptekinn í vinnunni án þess að þurfa í raun að gera handtak.
BIRT ÁN ÁBYRGÐAR!

Finnst sumt þarna passa grunsamlega vel við yfirmann minn, en ég veit samt ekki með sumt af þessu.

1. Virðast upptekinn:
Að hafa allskonar braðarusli samviskusamlega dreift um skrifborðið klikkar ekki. Það hjálpar líka þegar strokleðrið á blýantnum er orðið svo eytt að það sést varla í það. Ef þú þarft að labba eitthvert innan vinnustaðarins, labbaðu þá niðurlútur og sprettu úr spori. ALDREI ALDREI mynda augnsamband. Ef þú ert með eitthvað í höndunum, eins og til dæmis eitthvað skjal, á meðan þú ert á þessum göngutúr, minnka líkurnar á að einhver trufli þig.

2. Virðast stressaður:
Golden. Ef þú lítur út fyrir að vera að fá magasár af stressi munu samstarfsmenn og yfirmenn frekar láta þig í friði, þar sem það er bæði rökrétt og augljóst að þú ert að gera eitthvað virkilega aðkallandi. Til þess að líta út fyrir að vera stressaður er best að hreyfa augun mikið (passa að fókusa þeim ekki á einhvern einn stað), fara mikið á milli staða á vinnustaðnum og tala við sjálfan sig á meðan og ef einhver spyr þig að einhverju skaltu horfa í tómið í smástund, andvarpa og svara í pirruðum tón.

3. Tala hratt:
Ef það fattar enginn hvað þú segir verður bara gert ráð fyrir því að þú hafir ekki tíma til að útskýra það.

4. Fela sig:
Gulltryggt. Finndu góðan felustað. Til dæmis má fela sig undir skrifborðinu, í loftræstistokknum (ef þitt fyrirtæki býr svo vel) eða í kústaskápnum.

5. Brjóta útlim:
Virkar augljóslega bara ef þú ert verktaki eða ert í vinnu sem krefst líkamlegs erfiðis (að skrifa email telst ekki með). Hvernig þú ferð að því að brjóta útlim er alveg undir þér komið. Ég ætla ekki að leggja neitt til þar sem þetta er afar sársaukafullt.

6. Afsaka sig:
Það jafnast ekkert á við það að hafa margar góðar afsakanir í handraðanum. Að sjálfsögðu verðurðu að leggja þær á minnið, það er ekkert sannfærandi við það að lesa þær upp af minnisblaði. Þú gætir til dæmis sagt: "Jújú, ég myndi nú venjulega alveg vinna yfirvinnu, en ég verð að passa gullfisk systur vinar frænku mömmu minnar".

7. Aldrei fara út úr skrifstofunni:
Ef þú ferð aldrei út úr skrifstofunni ertu síður ónáðaður. Mundu þetta fína enska mottó: "Out of sight, out of mind". Vitaskuld verður að tryggja að þú hafir nóg mikið af nesti svo þú lifir þetta af þangað til þú mátt fara heim. Klósettferðavandamálið er þó enn óleyst.

8. Það sem ekki sést...
Endurraðaðu húsgögnunum í skrifstofunni hjá þér svo að tölvuskjárinn þinn snúi frá öllum hurðum og gluggum sem yfirmaðurinn þinn gæti séð í gegnum. Þetta gefur þér nægan tíma til að taka allt óæskilegt efni niður af tölvuskjánum þegar bossinn ákveður að kíkja í heimsókn til þín á skrifstofuna og borða allt nestið þitt.

9. Blekkingar:
Ef þú getur ekki endurraðað í skrifstofunni gæti verið ráð að ná sér í lítið sniðugt forrit sem heitir WorkFRIENDLY sem felur allar vefsíður sem þú skoðar og dulbýr þær sem wordskjal.

10. Veldu starfsheiti sem fólk skilur ekki:
"Ég vinn við vefþróun" er til dæmis loðið og illskiljanlegt. Fólk veit eiginlega ekkert hvað þarf til þess að vinna við vefþróun (og vera þá væntanlega titlaður vefþróari), þannig að þú gætir verið að blogga og fólk heldur að þú sért að vinna við eitthvað meistarastykki... eins og ég núna.

Ég legg til að þetta verði hengt upp á öllum vinnustöðum landsins.

ATH!! Vil svo minna á könnunina hérna til hliðar --->

Já þótt fótbolti sé skemmtilegur, þá eru ummæli leikmanna og annarra sem koma að boltanum oft ansi skondin, mig langaði að deila nokkrum tilvitnunum hérna með ykkur á þessu þokukenda miðvikudagskveldi, þar sem við í Tindastóli vorum að vinna Snæfell 7-1, samt sem áður slappur leikur og menn fóru illa með færin, nefni engin nöfn, jú kannski nafnið hans Davíðs. Annars voru markaskorarnir þessir í réttri röð: Aðalsteinn Arnarsson, Gísli Eyland Sveinson (spilaði frammi nota bene), Kristján Baldursson, Marc Christansen, Haukur Skúlason, Sjálfsmark mótherja (ég átti það samt alveg sko) og ArnarInn rak svo smiðshöggið   Og ekki tókst honum Pálma að skora frekar en fyrri daginn, held að þetta sé svona stífla hjá honum sem á einhvertíman eftir að bresta og þá halda honum engin bönd, ekki satt Pálmi?

En þá koma gullkornin, dáldið langt en þeir sem hafa ekkert að gera, t.d. í vinnunni *hóst*hóst ættu að gleðjast :

 “Þarna sjáum við Jan Köller, einmana eins og kleina þarna”
-Lárus Guðmundsson

 “Without being too harsh on David Beckham, he cost us the match”
-Ian Wright

Þessi er beint frá hjartanu og er rosaleg

 “I've never wanted to leave. I'm here for the rest of my life, and hopefully after that as well”
-Alan Shearer

 “There'll be no siestas in Madrid tonight”
-Kevin Keegan

 Logi Ólafsson í fyrra ( um D.Cisse)
"Þarna kemur rauðhærður niggari inná".

  Það er auðvitað ekki hægt að tala um Bjarna Fel öðruvísi en að minnast á þegar hann var að lýsa leik Belga og Þjóðverja á HM og Þjóðverjarnir voru að merja lífið út úr Belgum og komnir held ég 3-0 yfir, að þá segir Bjarni Fel af sinni alkunni snilld: "Ég held bara að það sé allur vindur úr Belgum."

 Bjarni Fel í leik Hollands og Belgíu HM 98: Belgar eru með alla leikmenn í eldri kantinum, þeir stilla bara upp liði eldri borgara !

Í leik Ítala á HM 98... Giuseppe Bergomi er kominn með boltann, hann er nú farinn að lýjast kallinn.

Bjarni Fel enn og aftur.: " Og hér er að hefjast leikur FH-inga og Hauka og það eru Hafnfirðingar sem byrja með boltann...."   

Gamalt og gott frá Arnari Björnss. fyrir nokkrum árum síðan:

"Sjáið þið Thomas Hassler, hann nær ekki einu sinni upp fyrir hornfánann"

"Það var eins gott fyrir Paul Parker að það var búið að slá grasið á vellinum..."

 Arnar Björnsson á 54. mínútu í leik Middlesbrough - Manchester United: Christian Ziege hefur ekki leikið síðustu 16 landsleiki sem þýska landsliðið hefur leikið án hans.

Bjarni Fel var eitt sinn að lýsa úrslitaleik Liverpool og Arsenal í ensku bikarkeppninni. Liverpool var að vinna og upphófu þá áhangendur upp sönginn góða: You'll never walk alone. Bjarni kallinn var fljótur að snara þessu yfir á íslensku og sagði: "Og nú syngja aðdáendur Liverpool: þið gangið allir einir".

Það má ekki gleyma því allra besta það var Bjarni Fel sem lýsti leik Tékka og Þýskalands (held ég) á EM 96 þá sagði hann "Pavel Kuka er með boltann Kuka kemur.. kuka dettur niður... og Kuka...skýtur...en Kuka skeit honum rétt yfir" ég hlæ ennþá að þessu...

Og við skulum enda þetta á nokkrum léttum frá sjálfum Gaupa

 “...og spyrnumaður góður”
“...Hefur vart stigið feilnótu í leiknum"

“...gargandi snilld"

 "...Og á 76. mínútu tekur Alan Shearer við sér og skorar tvö mörk og tekur ekkert aukalega fyrir það"

"...Nicky Butt hefur löngum verið talinn furðulegur í framan...eins og allt lið Manchester United" 

 E-n tíman var hann að lýsa leik með Fiorentina og myndavélin fór á eiganda Fiore. (sem ég man ekki hvað heitir) og þá heyrðist í honum - 'NEI, Billy Joel á vellinum!!!' O.K. Það vita kannski ekki allir hvaða maður þetta er, EN, Billy Joel á ítalska boltanum. Ég hélt að ég yrði ekki eldri.

 Gaupi í leik Liverpool-Newcastle: "Varnarmenn Newcastle hafa varla séð það svartara en að hafa Emile Heskey í bakinu á sér allan tímann"

Seinni hálfleikur er allt annað en fyrri hálfleikur

Velkomin aftur, en þá er það seinni hálfleikurinn í Arsenal - Chelsea en staðan er 0-1 fyrir Tottenham...

Þeir eru mikið mun betri

Það er nú alveg hægt að brosa út í annað allavegana af þessum setningum ef þið fattið pointið í þeim.  Þessir íþróttafréttamenn eru bara snillingar og þá sérstaklega rauða Ljónið.

Spurning dagsins:

Hvað er Mojito og í hvaða landi er það þjóðar- (það sem það er   ) ???

Já það er spurning

Jæja kominn tími á smá blogg. Ætla hafa léttan spurningaleik. Hverjir eru á myndunum? Og hvað eiga þau sameiginlegt.

a)

b)

c)

d)

ArnarInn kveður með spurningarmerki???

10 júlí er runninn upp og HM er á enda. Ítalir eru heimsmeistarar í fótbolta, hver hefði trúað því, flestir voru á því fyrir mótið að Brassarnir myndu taka þetta. Ég vonaði hins vegar að Portúgal tæki þetta en það var meira svona þráhyggja en mín innri sannfæring. Ég var allavegana svo sniðugur að setja peninginn minn í leiknum okkar í m.fl. á Ítalíu og eru nokkrir bláir ítalskir þús-kallar á leiðinni til mín. Veðjaði líka aðeins við vini og fjölskyldumeðlimi fyrir úrsltin. Haha pabbi you owe me! og þú líka Guðrún

En fyrst mótinu er lokið þá ætla ég að veita nokkrar viðkenningar og velja síðan lið mótsins að mínu mati.

Þeir sem komu mest á óvart: Þjóðverjar, fyrir það að spila skemmtilegan sóknarbolta. Klingsmann minn maður að gera góða hluti þrátt fyrir mikla gagnrýni fyrir mótið. Hann er Guð í Þýskalandi núna. Til gamans má nefna að gömul bjalla sem hann átti seldist á 29 milljónir á uppboði núna í kvöld.

Þeir sem komu EKKI á óvar: Spánverjar fyrir það að skíta á sig þegar á reyndi. Þetta lið getur ekki unnið stórmót. Einnig Englendingar fyrir að geta ekki neitt og spila hundleiðinlegan fótbolta.

Vonbrigði keppninnar: Ronaldinho. Þessi besti knattspyrnumaður heims náði sér ekki á strik.

Besta endurkoman: Zizu eða Zidane eins og við þekkjum hann. Sýndi það og sannaði að hann er besti fótboltamaður í heimi á góðum degi. Leiddi lið sitt í úrslitin þrátt fyrir leiðindaratvik í úrslitaleiknum.

Besti leikmaður keppninnar: Fabio "nagli" Cannavaro. Þessi maður var frábær í vörn Ítalanna og er án efa besti varnarmaður heims. Frábær karakter sem leiddi lið sitt til sigurs í keppninni. Fyrirliði Ítala.

Skúrkar keppninnar: Zidane - þrátt fyrir frábært mót þá gerði þessi kóngur fótboltans sig sekan um hræðileg mistök þegar hann lét vitleysinginn og rugludallinn Materazzi espa sig upp sem endaði með því að hann skallaði hann og var að sjálfsögðu rekinn útaf. Svartur blettur á feril Zidane sem er búinn að vera svo glæsilegur. Var mjög leiðinlegt að sjá hann ganga niðurlútan af velli. Hinn skúrkur keppninnar var Wayne Rooney fyrir að brjóta illa á varnarmanni Portúgals og eyðileggja mögurleika Englendinga að komast áfram.

Leiðinlegasti leikur keppninnar: Úkraína - Swiss. Vá ertu ekki að grínast. Leiðinlegasti leikur ever! Bæði lið með einn senter, fóru varla hvorugt yfir miðju, spiluðu í 120 mínútur án þess að skora, 3 marksot og ein rangstæða í þessum leik.

Spútnik leikmaður mótsins: Fabio Grosso. Hver viss hver Fabio Grosso var áður en keppninn byrjaði. Þessi 25 árs vinstri bakvörður Ítala og Palermo sló heldur betur í gegn. Fiskaði vítið í 16 liða úrslitum á móti Áströlum á 89 mínútu sem kom Ítölum áfram. Skoraði sigurmarkið í 4 liða úrslitum á móti Þjóðverjum og kláraði svo Frakkana í vítaspyrnukeppninni og tryggði Ítölum titlinn.

Bestu ungu leikmennirnir: C. Ronaldo (Portúgal) og Lukas Podolski (Þýskalandi). Áttu báðir stóran þátt í velgengi sinna liða á mótinu.

Ótrúlegasta atvik keppninnar: Fyrst Zidane atvikið er búið að koma, þá verð ég að segja "vinasættir" Lehman og Óla Kahn. Ótrúlegt að sjá þessa fjanda takast í hendur eftir allar þessar illdeilur og fjandsemi sem hefur vafalaust verið blásin upp af fjölmiðlum.

Skemmtilegasta auglýsingin meðan HM var í gangi: Iceland air auglýsingin með landsliðinu og Ara Gunnarsyni var alveg frábær. Æðisleg auglýsing. Hugurinn ber þig aðeins hálfa leið.

Ætla láta þetta duga af viðurkenningum í bili. Þið megið endilega vera mér ósammála og veita einnig fleiri ef ykkur dettur eitthvað sniðugt í hug.

En þá er komið að....................

Úrvalslið HM 2006

Markvörður : Gianlugi Buffon ( Ítalía)

Vinstri Bakvörður: Fabio Grosso (Ítalía)

Miðverðir: Lillian Thuram ( Frakkland) og Fabio Cannavaro (Ítalía)

Hægri Bakvörður: Philipp Lahm ( Þýskaland)

Vinstri kantmaður: Cristiano Ronaldo (Portúgal)

Aftari miðjumaður: Andrea Pirlo (Ítalía)

Fremri miðjumaður: Zinedine Zidane (Frakkland)

Hægri kantmaður: Ze Roberto (Brasilía)

Framherjar: Miroslav Klose(Þýskaland)og Hernan Crespo (Argentína)

Þetta er byrjunarliðið og á bekknum væru svo eftirtaldir leikmenn:

Ricardo (Portúgal), Roberto Ayala ( Argentína), Luis Figo ( Portúgal) Gennaro Gattuso (Ítalía) Juan Riquelme (Argentína) Michael Ballack ( Þýskaland) og Thierry Henry (Frakkland).

Þjálfari mótsins: M.Lippi (Ítalía)

Þetta er úrvalslið mótsins að mínu mati og þeir leikmenn sem stóðu sig hvað best að mér fannst. Endilega segið mér ykkar úrvalslið, alltaf gaman af svoleiðis og gagnrýnið val mitt.

Ætla enda þessa umfjöllun á nokkrum ómetanlegum augnablikum sem voru fest á myndir.

ArnarInn kveður HM með stæl

Edit:
10 júní - 10 júlí
Grosso er 25 - ekki 21
own me - owe me
ekki Joan - Juan Riquelme

Komið með meira

Þú skalt halda hvíldardaginn heilagann segir í einu boðorðinu, og það hefur Portúgalaska landsliðið væntanlega gert í dag eftir sigur á Englendinum í rafmögnuðum spennuthriller í gær þar sem hinn litskrúðugi Ricardo sendi Englendinga heim í öðru stórmótinu í röð. Hann er sko sannarlega Portúgals"grýla" þeirra Englendinga eins og við tölum um svíagrýluna í handboltanum.

En svo við tölum nú aðeins um leikinn þá var Rooney sá sem fór illa að ráði sínu í leiknum. Held ég að strákur hafi ekki verið að höndla pressuna sem var á honum, enda sjaldan gott þegar einn leikmaður er orðinn stærri en sjálft liðið. Fyrir mótið var alltaf talað um að möguleikar Englendinga fælust í því hvort Rooney yrði með, og það getur ekki verið gott fyrir liðið þó hann sé vissulega góður leikmaður. Annað sem verður fróðlegt að sjá er það hvernig Ronaldo verður tekið í Englandi eftir mótið en ég tel líklegt að hann fari til Spánar. Eitt sem ég skil ekki, og ef einhver getur svarað mér þá endilega gerið það, Jamie Carragher??? að skella honum inná til að taka víti Ég hló upphátt þegar ég sá þessa skiptingu, enda var ég nokkuð vissum að hann myndi klikka. Hvað er málið að láta miðvörð ætla fara taka víti í 8 liða úrslitum HM??? En ekki kvarta ég

Frakkar unnu svo Brassana og sagði ég það fyrir leikinn að frakkarnir myndu vinna. Brassar ekki verið sannfærandi og gaman að sjá Kónginn hann Zidane svona sprækan. Frakkarnir spila svo um 3 sætið á móti Þjóðverjum og Ítalía og Portúgal um 1 sætið.

Ricardo er maður vikunnar svo sannarlega!!! Og Ronaldo hefur hækkað mikið í áliti hjá mér